საპარლამენტო უმრავლესობა ოპოზიციას მთავრობის უყურადღებო მოსმენაში ადანაშაულებს.
როგორც ჟურნალისტებს უმრავლესობის წევრმა, საფინანსო-საბიუჯეტო კომიტეტის თავმჯდომარემ ზურაბ მელიქიშვილმა აღნიშნა, ოპოზიციას სოფლის მეურნეობის მინისტრისთვის კარგად რომ მოესმინა, გაიგებდნენ ყველა იმ პროექტის შესახებ, რომელიც სოფლის მეურნეობაში ფინანსდება.
რაც შეეხება სამინისტროსთვის 150 მილიონი ლარის გამოყოფას, მელიქიშვილის თქმით, აღნიშნულ საკითხს ხვალ პრემიერ მინისტრი ოპოზიციას კიდევ ერთხელ განუმარტავს.
"ზუსტად არის გაწერილი ის პროექტები, რომელიც ბიუჯეტიდან ფინანსდება", - აღნიშნა ზურაბ მელიქიშვილმა.
შეგახსენებთ, რომ "ქრისტიან-დემოკრატები" ხელისუფლებას დაპირების არ შესრულებაში ადანაშაულებენ და აცხადებენ, რომ პრეზიდენტის და მთავრობის მიერ სოფლის მეურნეობისთვის სამინისტროსთვის დაპირებული 150 მილიონი ლარის ნაცვლად მხოლოდ 9 მილიონი ლარის გამოყოფა მოხდა.
