„აღარ დაბრუნდეთ, თუკი აფხაზური მიწის ერთ კვადრატულ მეტრს მაინც დათმობთ", ასე გააცილეს სოხუმიდან მოსკოვში საზღვრის დელიმიტაცია-დემარკაციის საკითხებზე მოსკოვში მოლაპარაკებებზე გამგზავრებული აფხაზური დელეგაციის წევრები სოხუმიდან - აცხადებს "ეხო კავკასიზისათვის" მიცემულ ინტერვიუში ოკუპირებულ აფხაზეთში არსებული გაზეთის "ჩეგემსკაია პრავდას" მთავარი რედაქტორი ინალ ხაშიგი მოსკოვში ამჟამად მიმდინარე ე.წ. აფხაზურ-რუსული მოლაპარაკებების კომენტირებისას, რომელიც აფხაზეთსა და რუსეთს შორის არსებული ე.წ. სახელმწიფო საზღვრის დელიმიტაციის საკითხებს ეძღვნება.
"არც ერთი კომისია არ გაუცილებიათ სოხუმიდან ისე, როგორც ეს კომისია გააცილეს, იმიტომ რომ ტერიტორიების თემა აფხაზეთში მართლაც ძალიან აქტუალურია. ვისაც კი არ უნდა ენახა და ვინც არ უნდა შეხვედროდა ამ მოლაპარაკებებზე აფხაზური დელეგაციის ხელმძღვანელს ვალერიუ კვარჩიას ყველა ეუბნებოდა ერთსა და იმავეს - "არ დაბრუნდე თუკი აფხაზური მიწის ერთ კვადრატულ მეტრს დათმობ. აჟიოტაჟი მართლაც ძალიან დიდია და სოხუმში ამ მოლაპარაკებების დაწყებას ყველა მოუთბენლად ელოდება", _ აცხადებს ხაშიგი და საუბარს კომისიის წევრთა შემადგენლობაზე აგრძელებს.
"კომისიის შემადგენლობაში არიან ოპოზიციონერები, "სახელმწიფო ჩინოვნიკები", _ აცხადებს ხაშიგი და კითხვაზე პასუხის გაცემისას - "ნუთუ მართლა მოინდომა მოსკოვმა აფხაზეთისათვის 160 კვადრატული კილომეტრის ჩამორთმევა" ასე პასუხობს:
"ეს მართლაც ძალიან დიდი მიწის ნაკვეთია, ეს ფაქტობრივად გაგრის რაიონის ტერიტორიის 20 %-ია. ახლა აფხაზურ საზოგადოებაში ზალიან აქტიურად განიხილება ეს თემა და თუნდაც ისიც თუ საინდან მოვიდა ეს ციფრი... კონკრეტულად 160 კვ.კმ.
არის მოსაზრება იმის შესახებად, რომ მოსკოვმა სპეციალურად დაასახელა ამხელა ციფრი, იმისათვის, რათა ივაჭროს და აქედან მცირე ნაწილი მაინც მიიღოს. ხოლო თუ უფრო კონკრეტულად ვიტყვით მოსკოვს უკვე კარგა ხანია თვალი უჭირავს სოფელ აიბგზე. ახლა კი ალბათ მოსკოვი ამ 160 კვ.კმ. "სანაცვლოდ" ამ სოფლის დათმობას მოითხოვს", _ აცხადებს ხაშიგი და ხაზგასმით აღნიშნავს, რომ აფხაზური საზოგადოებისათვის არ ექნება არსებითი მნიშვნელობა 160 კვ.კმ გაჩუქდება თუ 10 კვადრატული მეტრი - რეაქცია კატეგორიულად ნეგატიური იქნება.
"ეს პრინციპული საკითხია - ეს აფხაზური მიწაა და ჩვენ არ ვაპირებთ არც ერთი მეტრის მსხვერპლად შეწირვას. ადმაიანებმა სოხუმში უკვე ხელმოწერების შეგროვება დაიწყეს, სადაც მიწის გაცემას აპიროტესტებენ", _ აცხადებს ხაშიგი.
