თელავის რაიონის სოფელ ნაფარეულში, საკუთარ სახლში გაჩენილ ხანძარს 66 წლის გივი სარაჯიშვილი ემსხვერპლა. როგორც კახეთის საინფორმაციო ცენტრი თელავის სახანძრო - სამაშველო სამსახურის უფროსის ლევან ფიცხელაურის ინფორმაციაზე დაყრდონით იტყობინება, ხანძარი დილის 5 საათზე გაჩნდა.
მისივე ინფორმაციით, საცხოვრებელი სახლის პირველი სართული მთლიანად დაიწვა. წინასწარი ინფორმაციით, გივი სარაჯიშვილი ნასვამ მდგომარეობაში იმყოფებოდა. ცხედარი ექსპერტიზისთვის გურჯაანში, სასამართლო - სამედიცინო ექსპერტიზის ბიუროს რეგიონული განყოფილების პროცექტურაშია გადატანილი.
მომხდართან დაკავშირებით გამოძიება შს თელავის რაიონულ სამმართველოში დაიწყო.
