ამერიკული ინტერნეტკორპორაცია Google ყველაზე ძვირადღირებული ბრენდების რეიტინგში პირველ ადგილზეა. ამის შესახებ Brand Finance-ს მიერ ჩატარებულ კვლევაშია ნათქვამი.
Brand Finance -ის ინფორმაციით, ბრენდი Google 44,3 მლრდ. დოლარი ღირს. მეორე ადგილზე გავიდა კორპორაცია Microsoft, რომელიც 42,8 მლრდ. დოლარადაა შეფასებული, ხოლო მესამე ადგილზე Wal-Mart, მოხვდა, 36,2 მლრდ. დოლარით.
აღსანიშნავია, რომ რეიტინგის ათეულიდან 9 ადგილი ამერიკულმა კომპანიებმა დაიკავეს, გამონაკლისია მხოლოდ მეხუთე პოზიცია, რომელზედაც ბრიტანული სატელეკომუნიკაციო ბრენდი Vodafone მოხვდა, რომელიც 30,67 მლრდ. დოლარადაა შეფასებული.
