ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი კობა სუბალიანი საპარლამენტო ოპოზიციას უსაფუძვლო ბრალდებების წაყენებაში ადანაშაულებს.
როგორც სუბელიანმა განაცხადა, ოპოზიციამ ისე დააყენა მისი პასუხისმგებლობის საკითხი, თითქოს "არ გვაქვს პასუხისმგებლობის გრძნობა".
"ჩვენ დიდი პასუხისმგებლობის გრძნობა გვაქვს. მთავრია ისაა, რასაც ხალხი, დევნილი მოსახლეობა ელოდება ჩვენგან. ის ბრალდები, რასაც ოპოზიცია აყენებდა არცერთს საფუძველი არ ჰქონდა", - აღნიშნა სუბელიანმა.
მინისტრის თქმით, დებატებზე უფრო კომპეტენტურ რჩევებს და რეკომენდაციებს ელოდებოდა.
"ასეთი მოლოდინი მქონდა. ეს არ გამართლდა, მაგრამ არაუშავს", - დასძინა სუბელიანმა.
შეგახსენებთ, რომ დღეს პარლამენტი ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის კობა სუბელიანის თანამდებობიდან გადაყენების საკითხს განიხილავს.
