საპარლამენტო უმცირესობის ლიდერის, გიორგი თარგამაძის განცხადებით, ავღანეთში სამშვიდობო კონტიგენტის გაზრდა საქართველოს ნატოში ინტეგრაციის გზაზე მწვანე შუქს არ ნიშნავს.
"გაწევრიანება შესაძლებელი იქნება მხოლოდ მას შემდეგ, რაც საქართველოში შეჭმარიტი, დემოკრატიული ტრანსფორმაცია დაიწყება", - განაცხადა თარგამაძემ დღეს, ნატოს საპარლამენტო ასამბელის როუზ-როსის 76-ე სემინარზე სიტყვით გამოსვლისას.
მისივე შეფასებით, საქართველო ახლა გზაჯვარედინზე იმყოფება, საიდანაც ერთი გზა დემოკრატიულ ქვეყანაზე, მეორე კი დიქტატორული მმართველობისკენ მიდის.
"ან ჩვენ შევცვლით საარჩევნო გარემოს და მოსახლეობაში აღვადგენთ საარჩევნო პროცესისადმი ნდობას, ან საქართველო ისევ იქნება მართული უზურპატორული, რბილად რომ ვთქვათ, რადიკალური ძალების მიერ, რომლებიც ყოველთვის მოვლენ რევოლუციების გზით", - განმარტა თარგამაძემ.
შეგახსენებთ, რომ ნატოს საპარლამენტო ასამბლეის როუზ-როსის 76-ე სემინარი თბილისში გუშინ გაიხსნა და ხვალ, 25 მარტს დაიხურება.
