დღეს, 24 მარტს, 19:30 საათზე, თიბისი გალერეაში გაიმართება ჯაზის საღამო "რითმი და ბგერა".
თიბისი ბანკი აგრძელებს ტრადიციას და თავის მომხმარებელს კიდევ ერთ დაუვიწყარ მუსიკალურ საღამოს სთავაზობს. ამჯერად, თიბისი გალერეის სტუმარია საქართველოში ჯაზის ფუძემდებელი, ჯაზური მუსიკის ვირტუოზი შემსრულებელი თამაზ (თათუზა) ყურაშვილი და მისი ბენდი.
ღონისძიებაზე ასევე მოხდება გენიალური ქართველი მუსიკოსის მოღვაწეობის ამსახველი დოკუმენტური ფილმის "რითმი და ბგერა" ჩვენებაც.
