საპარლამენტო უმრავლესობის ერთ-ერთი ლიდერის, პავლე კუბლაშვილის შეფასებით, "ოპოზიციის დღევანდელი ისტერიკიდან გამომდინარე" ოპოზიცია დიალოგისთვის მზად არ არის.
როგორც ჟურნალისტებს კუბლაშვილმა განუცხადა, იგი ვერაფერს იტყვის "რვიანის ფორმატში" დიალოგის პროცესის ჩაშლა-არჩაშლასთან დაკავშირებით, თუმცა ოპოზიციის დამოკიდებულებიდან, ტონიდან, საქციელიდან და დღევანდელი ისტერიკიდან გამომდინარე, ოპოზიცია დიალოგისთვის მზად არ არის.
"ვერ დავუშვებთ, რომ ვინმე გვესაუბროს იმ ენით, რომელიც დიალოგის პროცესს არანაირად არ წაადგება", - განაცხადა კუბლაშვილმა და შეახსენა ოპოზიციას, რომ ხელისუფლება ყოველთვის წინააღმდეგი იყო ულტიმატუმების ენით საუბრის.
რაც შეეხება დღევანდელი შეხვედრის გადადებას, კუბლაშვილის განცხადებით, დღევანდელი სხდომის წამყვანი უნდა ყოფილიყო "ქრისტიან-დემოკრატების~ წარმომადგენელი ლევან ვეფხვაძე, მაგრამ რადგან "ქრისტიან-დემოკრატები~ და ასევე "ერთიანი ნაციონალური მოძრაობის~ წარმომადგენლები მონაწილეობენ ძალიან მნიშვნელოვან პოლიტიკურ პროცესში, როგორიც მთავრობის საქმიანობასთან დაკავშირებით პარლამენტში დებატებია, შეუძლებელი იყო "ქრისტიან-დემოკარატებს" ამ სხდომის ორგანიზება განეხორციელებინათ.
კუბლაშვილის თქმით, "ნაციონალური მოძრაობა" მზად არის, საარჩევნო გარემოს გაუმჯობესებასთან დაკავშირებით შეთავაზებულ წინადადებებზე მუშაობა გააგრძელოს.
