მუამარ კადაფი უცხო სახელმწიფოებს ლიბიის კონფლიქტში სამხედრო ჩარევისგან თავის შეკავებას ურჩევს. ამის შესახებ კადაფიმ პორტუგალიის ტელეკომპანიას გაეროს უშიშროების საბჭოს მიერ ლიბიასთან დაკავშირებით რეზოლუციის მიღებამდე რამდენიმე საათით ადრე განუცხადა.
„თუ მსოფლიო ჭკუიდან შეიშლება ჩვენ ვალში არ დავრჩებით. ჩვენ გავწევთ წინააღმდეგობას, ჩვენ მათ სიცოცხლეს ჯოჯოხეთად ვუქცევთ", - განაცხადა კადაფიმ.
შეგახსენებთ, რომ ლიბიაში სამოქალაქო დაპირისპირება 15 თებერვალს დაიწყო.
გაეროს უშიშროების საბჭომ კი მიიღო რეზოლუცია ლიბიის მოქალაქეების დაცვისა და ქვეყნის საჰაერო სივრცის დახურვის გამო.
ვრცელდება ინფორმაცია, რომ ლიბიაზე საჰაერო დარტყმები უახლოეს საათებში დაიწყება.
