ტელეკომპანია "ფორმულის" ტელეწამყვანს, ვახო სანაიას თბილისის საქალაქო სასამართლომ 14-დღიანი პატიმრობა შეუფარდა სოციალურ ქსელში გამოქვეყნებული სტატუსის გამო.
გადაწყვეტილება მოსამართლე ზვიად ცეკვავამ მიიღო.
ჟურნალისტი ვახო სანაია სასამართლო სხდომას არ ესწრებოდა. სანაიას თქმით, მისთვის სულერთი იყო, რა გადაწყვეტილებას გამოაცხადებდა მოსამართლე.
"ჩემთვის არანაირი მნიშვნელობა არ აქვს, რა ე.წ. სასამართლო სხდომებს გამართავენ, საერთოდ არ მაინტყერესებს, წერონ და იკითხონ.მე მაინტერესებს ის, რომ მე დავწერ და წავიკითხავ იმას, რაც საჭიროდ მიმაჩნია - ეს იქნება ეთერში, ეს იქნება სოციალური ქსელები. სიტყვის თქმას ვერავინ აგვიკრძალავს. ასე რომ, ამ სქრინვა-სქროლვის სააგენტო თუ რაც ჰქვია, შეუძლია, გააგრძელოს თავისი ე.წ. მოღვაწეობა, სასამართლოს განიხილოს სხდომებზე იქ მიტანილი სქრინები, მე ვურჩევდი, რომ ხმამაღლა წაიკითხონ,ა სე უფრო საინტერესო იქნება. არანაირი მნიშვნელობა ჩემთვის არ აქვს, ჯარიმას დაწერს ე.წ. მოსამართლე, პატიმრობის გადაწყვეტილებას გამოცხადებინებენ თუ როგორც იქნება", - ამბობს ვახო სანაია.
მანამდე, ვახო სანაიას სასამართლოს მიერ სხვა ფეისბუკპოსტის გამო 6000 ლარით იყო დაჯარიმებული.
8 ივლისს ვახო სანაიამ ფეისბუკზ დაწერა, რომ სასამართლოდან დაურეკეს "პაპუაშვილსა და ბოჟაძეზე სტატუსები დაგიწერიათო".
