აშშ-ის პრეზიდენტმა დონალდ ტრამპმა ომის მდივან ლ პიტ ჰეგსეთთან და გაერთიანებული შტაბების უფროსთა კომიტეტის თავმჯდომარე დენ კეინთან ირანთან სრულმასშტაბიანი ომის სცენარები განიხილა, თუმცა მოლაპარაკებების გაგრძელების გადაწყვეტილება მიიღო.

ამის შესახებ The Wall Street Journal ინფორმირებულ წყაროებზე დაყრდნობით წერს.

გამოცემის ცნობით, კონსულტაციების დროს განიხილებოდა ირანის წინააღმდეგ ამერიკული სამხედრო დარტყმების განახლების შესაძლებლობა, თუმცა ტრამპმა „ამ ეტაპზე დიპლომატიური მოლაპარაკებების გაგრძელება არჩია“.

„მიუხედავად იმისა, რომ საბოლოო გადაწყვეტილება ჯერ მიღებული არ არის, ტრამპმა თანაშემწეებს უთხრა, რომ, მისი აზრით, ფართომასშტაბიანი თავდასხმების კიდევ ერთმა რაუნდმა შესაძლოა დიპლომატიური პროცესი ჩაშალოს და ვაშინგტონის ძალისხმევას ირანის ბირთვული პროგრამის განეიტრალების მიმართულებით ზიანი მიაყენოს,“, - წერს გამოცემა.

გამოცემა ასევე წერს, რომ ტრამპმა თანაშემწეებს აცნობა, წინააღმდეგი არ იქნება, თუ თეირანთან მოლაპარაკებები ბირთვული შეთანხმებისთვის განსაზღვრულ საბოლოო ვადას - 18 აგვისტოს გადაცდება.