ევროკავშირის უმაღლესმა წარმომადგენელმა, კაია კალასმა, ვენაში ეუთო-ს წევრი ქვეყნების კოლეგებისადმი მიმართვისას, მოუწოდა ისეთი ნაბიჯების გადადგმისკენ, რომლის შედეგადაც რუსეთი საზღვრების ძალის გამოყენებით შეცვლაზე უარს იტყვის. კალასმა აღნიშნა, რომ ბოლო 100 წლის განმავლობაში რუსეთი 19 ქვეყანაში შეიჭრა.
„ბოლო 100 წლის განმავლობაში რუსეთი სულ მცირე 19 ქვეყანაში შეიჭრა, რომელთაგან ბევრი აქ არის წარმოდგენილი, ზოგ ქვეყანაში - კი სამჯერ ან ოთხჯერ. ამ 19 ქვეყნიდან არცერთი არასდროს შეჭრილა და არ თავს რა დასხმია რუსეთს,“ - აღნიშნა კალასმა.
ევროკავშირის უმაღლესმა დიპლომატმა აღნიშნა, რომ უკრაინასთან დაკავშირებული ნებისმიერი სამშვიდობო შეთანხმება უნდა იყოს ორიენტირებული იმაზე, „თუ როგორ მივიღოთ დათმობები რუსული მხარისგან, რათა მან შეწყვიტოს აგრესია და უარი თქვას საზღვრების ძალის გამოყენებით შეცვლის სურვილზე.
„ევროკავშირი კურსს შეინარჩუნებს, რადგან მხოლოდ რუსეთზე უფრო დიდი ზეწოლა და უკრაინისთვის უფრო დიდი მხარდაჭერა შეცვლის ბალანსს და მშვიდობის იმედს მოგვცემს. მნიშვნელოვანია, შევამციროთ რუსეთის სამხედრო მანქანის დაფინანსების შესაძლებლობა“, - განაცხადა კალასმა.
