დონალდ ტრამპი აცხადებს, რომ შეერთებულ შტატებს არ შეუძლია უკრაინისთვის მთელი თავისი იარაღის გადაცემა. ამის შესახებ აშშ-ის პრეზიდენტმა Fox news-თან ინტერვიუში განაცხადა.

ტრამპის თქმით, ის კვლავ განიხილავს უკრაინაში Tomahawk-ის რაკეტების გაგზავნის საკითხს.

ჟურნალისტის შეკითხვას პუტინის მხრიდან ომის დასრულების შესაძლო მოთხოვნებზე აშშ-ის პრეზიდენტმა უპასუხა:

"ის [პუტინი] რაღაცას მოითხოვს. ვგულისხმობ, რომ ორივემ იომა და მას [პუტინს] ბევრი ტერიტორია აქვს. ჩვენ ერთადერთი ქვეყანა ვართ, რომელიც ომში შედის, იგებს და შემდეგ ტოვებს [ტერიტორიას], ისე, როგორც პრეზიდენტ ბუშის დროს ახლო აღმოსავლეთში მოხდა, ჩვენ შევედით, გავანადგურეთ ყველაფერი და შემდეგ წამოვედით. მე ვესაუბრე ვლადიმირ პუტინს ამის [Tomahawk-ის] შესახებ. ეს ძალადობრივი, სასტიკი იარაღია. მაგრამ ერთი რამ უნდა გვახსოვდეს. ისინი ჩვენთვისაც გვჭირდება. იცით, ჩვენ არ შეგვიძლია უკრაინისთვის მთელი ჩვენი იარაღის გადაცემა. ჩვენ უბრალოდ არ შეგვიძლია ამის გაკეთება. მე არ შემიძლია შეერთებული შტატების საფრთხეში ჩაგდება“,- თქვა მან ".