ისრაელის თავდაცვის ძალების (IDF) პრესსპიკერის ოფისის ცნობით, ირანში ჩატარებული ოპერაციის დროს ისრაელმა ქვეყნის სამი უმაღლესი რანგის სამხედრო მეთაური გაანადგურა, მათ შორის შეიარაღებული ძალების შტაბის უფროსი და ისლამური რევოლუციის გუშაგთა კორპუსის (IRGC) მეთაური.
სამხედროებმა აღნიშნეს, რომ ღამის ოპერაციის დროს, ისრაელის საჰაერო ძალების 200-ზე მეტმა გამანადგურებელმა, სადაზვერვო სააგენტოს ზუსტი ინსტრუქციების შესაბამისად, ირანის მასშტაბით 100-ზე მეტ სამიზნეს შეუტია, მათ შორის ირანელი სამხედრო მაღალჩინოსნების სამალავს.
საჰაერო დარტყმების შედეგად ირანის სამი უმაღლესი რანგის სამხედრო მეთაური დაიღუპა: ირანის შეიარაღებული ძალების შტაბის უფროსი, მოჰამედ ჰოსეინ ბაქერი, ისლამური რევოლუციის გუშაგთა კორპუსის მეთაური, ჰოსეინ სალამი და ქვეყნის საგანგებო სიტუაციების სარდლობის ხელმძღვანელი, გოლამ ალი რაშიდი.
