სლოვაკეთის პრემიერ-მინისტრმა რობერტ ფიცომ ჯანმრთელობის გაუარესების შესახებ გავრცელებულ ჭორების საპასუხოდ გამოაქვეყნა ფოტო, რომელშც ჩანს, როგორ ყვინთავს მდინარე დუნაიში.
სლოვაკეთის პრემიერ-მინისტრმა ფიცომ თავის Facebook-გვერდზე დაწერა, რომ მან ჟურნალისტებს, რომლებიც მისი ჯანმრთელობის მდგომარეობით იყვნენ დაინტერესებული, ცურვა“ შესთავაზა.
„არავინ მოსულა. მესმის. ალბათ ცოტა წვიმდა და ციოდა“, - დასძინა მან,
ბოლო დღეებში სლოვაკურ მედიაში გავრცელდა ცნობები, რომ ფიცოს ჯანმრთელობის მდგომარეობა გაუარესდა, რადგან მან პირველი მაისისადმი მიძღვნილ რამდენიმე ღონისძიებაში მონაწილეობა არ მიიღო.
ამ ფონზე, რუსულმა წყაროებმა ისიც არ გამორიცხეს, რომ სლოვაკეთის პრემიერ-მინისტრი, შესაძლოა, 9 მაისს მოსკოვში არ ჩავიდეს - იმის მიუხედავად, რომ ის ევროკავშირის ერთადერთი ლიდერია, ვინც მოსკოვში მიწვევას დათანხმდა.
