რუსეთის თავდაცვის სამინისტროს განცხადებით, 2 მაისის ღამეს, საჰაერო თავდაცვის სისტემებმა, სავარაუდოდ, 121 „უკრაინული დრონი“ გაანადგურეს ოკუპირებული ყირიმისა და რუსეთის ფედერაციის რამდენიმე რეგიონის ტერიტორიაზე. ამასთან, რუსული Telegram-ის არხები ყირიმის არაერთ დასახლებულ პუნქტში აფეთქებების შესახებ იუწყებიან.
რუსეთის თავდაცვის სამინისტროს მტკიცებით, ყირიმის თავზე 89 დრონი, ხოლო შავი ზღვის თავზე 23 დრონი ჩამოაგდეს.
გარდა ამისა, სავარაუდოდ, კრასნოდარის მხარის თავზე 4 უპილოტო საფრენი აპარატი განადგურდა, რუსეთის ფედერაციის ორიოლის ოლქში - 2, რუსეთის ფედერაციის ბრიანსკისა და ბელგოროდის ოლქებში და აზოვის ზღვის წყლებში - თითო-თითო.
Telegram-ის არხმა „კრიმსკი ვეტერმა“ გაავრცელა ინფორმაცია, რომ აფეთქებების ხმა ისმოდა სევასტოპოლში, ჯანკოეში, ასევე საკიში, ნოვოფედოროვკასა და კაჩაში, სადაც სამხედრო აეროდრომებია განლაგებული.
