ინდოეთის სამხედრო შემოჭრა გარდაუვალია, - ამის შესახებ პაკისტანის თავდაცვის მინისტრმა ხავაჯა მუჰამედ ასიფმა განაცხადა. იუწყება Reuters
მინისტრმა განაცხადა, რომ მისი ქვეყანა ამჟამად გაძლიერებული მზადყოფნის რეჟიმშია.
მისი თქმით, პაკისტანის ხელისუფლება მზადაა ბირთვული იარაღი გამოიყენოს მხოლოდ სახელმწიფოს არსებობისთვის პირდაპირი საფრთხის შემთხვევაში.
მანამდე მინისტრმა განაცხადა, რომ მსოფლიო შეშფოთებული უნდა იყოს ორ ბირთვულ სახელმწიფოს - ინდოეთსა და პაკისტანს შორის დაპირისპირების საფრთხის გამო.
ინდოეთსა და პაკისტანს შორის ურთიერთობები მკვეთრად გაუარესდა მას შემდეგ, რაც 22 აპრილს პოპულარულ ტურისტულ ქალაქ პაჰალგამში შეიაარღებულმა პირებმა ტუტისტებს ცეცხლი გაუხსნეს.
დაიღუპა 25 ინდოელი და ერთი ნეპალელი, ბევრი კი დაშავდა. თავდამსხმელებმა გაქცევა მოახერხეს.
ინდური მხარის მტკიცებით, ტერაქტის უკან ორგანიზაცია ქაშმირის წინააღმდეგობის მოძრაობა დგას. სამართალდამცავები 2 ეჭვმიტანილს ეძებენ. მასშტაბური ანტიტერორისტული ოპერაციის ფარგლებში გაიჩხირა 1000-მდე სახლი და დაიკითხა 500-მდე ადამიანი.
ინდოეთის ინფორმაციით, თავდასხმაში მონაწილე ორი პირი პაკისტანელია, თუმცა ოფიციალური ისლამაბადი თავდასხმაში რაიმე სახის მონაწილეობას უარყოფს.
საზღვარზე დაძაბული სიტუაციაა. ორ ქვეყანას შორის საზღვარზე უკვე რამდენიმე დღეა სროლა მიმდინარეობს.
