უკრაინის პრეზიდენტი ვოლოდიმირ ზელენსკი გამოეხმაურა დონალდ ტრამპის წარმომადგენლის სტივ უიტკოფის განცხადებას ე.წ. ხუთი ტერიტორიის შესახებ. უკრაინის პრეზიდენტის თქმით, უკრაინა სუვერენული სახელმწიფოა და მის ტერიტორიაზე მხოლოდ უკრაინელ ხალხს შეუძლია საუბარი.
„ყველა ტერიტორია ეკუთვნის უკრაინას. კიდევ ერთხელ ვიმეორებ, ჩვენი სახელმწიფოს ტერიტორიაზე მხოლოდ უკრაინის ხალხს შეუძლია საუბარი და თქვენ იცით, რომ ჩვენთვის ეს წითელი ხაზებია – ვაღიაროთ დროებით ოკუპირებული ტერიტორიები როგორც არა უკრაინელი, არამედ რუსული. შესაბამისი წარმომადგენლები განიხილავენ საკითხებს, რომლებიც მათი კომპეტენციის ფარგლებს სცდება“, – აღნიშნა ზელენსკიმ.
სტივ უიტკოფმა Fox News-თან ინტერვიუში ვლადიმირ პუტინთან შეხვედრას „დამაჯერებელი“ უწოდა და განაცხადა, რომ შეთანხმების გასაღები ე.წ. ხუთ ტერიტორიას უკავშირდება.
