სუმის ცენტრზე რუსეთის დარტყმის შედეგად 117 დაშავებულიდან 68 სამედიცინო დაწესებულებაშია, მათ შორის რვა ადამიანის მდგომარეობა მძიმეა. ამის შესახებ უკრაინის პრეზიდენტი ვოლოდიმირ ზელენსკი Telegram-არხზე წერს.
„ამ დროისთვის სამედიცინო დაწესებულებებში იმყოფება 68 დაშავებული, მათ შორის რვის მდგომარეობა მძიმეა, ექიმები ყველაფერს აკეთებენ სიცოცხლის გადასარჩენად და დაჭრილების ჯანმრთელობის შესანარჩუნებლად.
დაბომბვის შედეგად, უნივერსიტეტის გარდა, ხუთი საცხოვრებელი კორპუსი, კაფე და მაღაზია და რაიონული სასამართლო დაზიანდა.
ჯამში რუსეთმა დარტყმებით 20 შენობა დააზიანა“, - წერს ზელენსკი.
ამასთან, საგანგებო სიტუაციების სახელმწიფო სამსახური იტყობინება, რომ 13 აპრილს რუსეთის იერიშის შედეგად სუმში 51 შენობა, 34 მანქანა და ერთი ტროლეიბუსი დაზიანდა.
21:00 საათისთვის დაღუპულთა და დაშავებულთა რაოდენობა არ შეცვლილა: დაიღუპა 34 ადამიანი, მათ შორის 2 ბავშვი, დაშავდა - 117, მათ შორის 15 ბავშვი.
