World Press Photo კონკურსის ორგანიზატორებმა რუსული პროპაგანდისტული TASS-ის ფოტოჟურნალისტს მიხაილ ტერეშჩენკოს დაჯილდოების ცერემონიალზე მიწვევა გაუუქმეს.
„ევროპის კონტინენტზე გაზრდილი დაძაბულობის გამო, ამ ეტაპზე ჩვენ ვეღარ ვუწევთ დახმარებას სტუმარს, რუსეთის სახელმწიფო კონტროლირებადი ორგანიზაციიდან “, - ნათქვამია ორგანიზატორების განცხადებაში.
განცხადებაში აღნიშნულია, რომ ტერეშჩენკო „აღარ არის მიწვეული ამსტერდამში დაჯილდოების ცერემონიალზე“.
რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ World Press Photo-ის გადაწყვეტილებას „თვითდაზიანების აქტი“ უწოდა.
"ეს ისეთი სამარცხვინოა, რომ ჯობია გაჩუმდე. ჩნდება კითხვა: კონკურსზე მხოლოდ ნეიტრალური საგნების ფოტოები მიიღება: ბუნება, ყვავილები, პეპლები?" - დაწერა დიპლომატმა ტელეგრამის არხზე.
რუსეთის პრეზიდენტის პრესმდივანმა, დმიტრი პესკოვმა, თავის მხრივ, განაცხადა, რომ მიხეილ ტერეშჩენკოს მიწვევის გაუქმება „ეწინააღმდეგება საღ აზრს და ჟურნალისტური სოლიდარობის სულისკვეთებას“.
საკონკურსო ფოტოები კი რომელიც ტერეშჩენკომ გადაიღო, თბილისის აქციებს უკავშირდება. ფოტოებმა რეგიონალური შერჩევისას ერთ-ერთ კატეგორიაში გაიმარჯვა და World Press Photo-ს კონკურსში, „წლის ფოტოს“ ტიტულისთვის უნდა ებრძოლა.
World Press Photo-ს ერთობლივი წერილით მიმართეს ქართველმა ფოტოგრაფებმა, სადაც ისინი აპროტესტებდნენ რუსეთის სამთავრობო პროპაგანდისტული მედიის წარმომადგენლის ჯილდოს საქართველოს პროტესტის თემაზე:
“კრემლის ნარატივების მომხრე ფოტოგრაფის დაჯილდოება ანტირუსული აქციების გაშუქებისთვის არა მხოლოდ სადავო და წინააღმდეგობრივია, არამედ პირდაპირი შეურაცხყოფაა იმ ადამიანებისა, რომლებიც სიცოცხლის რისკის ფასად ებრძვიან რუსეთის ჩარევას საქართველოს სუვერენიტეტსა და მის მომავალში”, - აცხადებდნენ ქართველი ფოტოჟურნალისტები და ფოტოდოკუმენტალისტები
