დიდი ბრიტანეთის თავდაცვის მდივანმა ჯონ ჰილიმ განაცხადა, რომ ბრიუსელში 11 აპრილს „რამშტაინის“ ფორმატში უკრაინის თავდაცვის საკონტაქტო ჯგუფის შეხვედრაზე მონაწილე ქვეყნები შეთანხმდნენ 21 მილიარდი ევროთი უკრაინის სამხედრო დახმარების გაზრდის შესახებ.
11 აპრილს ბრიუსელში რამშტაინის ფორმატში გამართული შეხვედრის შემდეგ ჯონ ჰილმა თქვა, რომ მოკავშირეები უკრაინას 21 მილიარდი ევროს ღირებულების სამხედრო დახმარებას დაჰპირდნენ.
საუბრისას ჰილიმ აღნიშნა, რომ რუსეთის პრეზიდენტი არის ის, ვინც ფეხს ითრევს უკრაინაში მშვიდობის დასამყარებლად და აგრძელებს ქვეყნის წინააღმდეგ თავდასხმებს.
ჰილიმ აღნიშნა, რომ კმაყოფილია საკონტაქტო ჯგუფის შეხვედრის შედეგებით.
მისივე განმატებით, ამ თანხაში შედის 4,5 მილიარდი ფუნტი, რომელსაც გაერთიანებული სამეფო უკრაინას მიმდინარე წელს გადასცემს.
გერმანიის თავდაცვის მინისტრის, ბორის პისტორიუსის განცხადებით, მისი ქვეყენა 2029 წლამდე 11 მილიარდი ევროს დახმარებას გაუწევს უკრაინას, უკვე დაპირებული თანხის გარდა.
უკრაინის თავდაცვის მინისტრმა რუსტემ უმეროვმა მოკავშირეებს მადლობა გადაუხადა აღნიშნული დახმარებისთვის.
„21 მილიარდი დოლარის დახმარება არის ერთ-ერთი უდიდესი ევროპაში და ჩვენ მადლიერები ვართ თითოეული ქვეყნის“, – განაცხადა უმეროვმა.
