უკრაინის წინააღმდეგ მისსავე ტერიტორიაზე ჩინეთის 155 მოქალაქე იბრძვის, მაგრამ შესაძლოა მეტიც იყოს. ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
„ჩინური“ საკითხი სერიოზულია. უკრაინის ტერიტორიაზე უკრაინელების წინააღმდეგ იბრძვის გვარით, პასპორტის მონაცემებით – ჩინეთის 155 მოქალაქე. ჩვენ ვაგროვებთ ინფორმაციას, დარწმუნებულები ვართ, რომ უფრო მეტია, ბევრად მეტი. ამასთან არსებობს პასპორტის მონაცემები, საიდან არიან, მათი ჩინური დოკუმენტები, ასაკი და სხვა. ასევე მსახურობის ადგილები: 70-ე, 71-ე, 255-ე მოტომსროლელი პოლკები და სხვა,“ - განაცხადა ზელენსკიმ.
ზელენსკის ცნობით, რუსების მხრიდან ხდება ჩინეთის მოქალაქეების გადაბირება, კერძოდ, სოციალური ქსელების საშუალებით: TikTok-სა და სხვა ჩინური სოციალური ქსელებს მეშვეობით.
„ოფიციალურმა პეკინმა იცის ამის შესახებ. რუსები გადაბირების შესახებ რეკლამებს ჩინური სოციალური ქსელების საშუალებით ავრცელებენ. ეს არ არის ფარული გადაბირება - ეს არის რაც მნიშვნელოვანი. შესაძლოა, არსებობს ფარულიც“, - აღნიშნა ზელენსკიმ.
რეკრუტირების შემდეგ ეს ადამიანები ჩადიან მოსკოვში, სადაც 3-4 დღე გადიან სამედიცინო გამოკვლევებს და სასწავლო ცენტრებში -1-2 თვეს.
„ისინი იბრძვიან უკრაინის ტერიტორიაზე. ისინი იღებენ მიგრაციის ბარათებს, ასევე ბარათს „მირის“გადახდის სისტემიდან და შესაბამისად იღებენ ფულს“, - განაცხადა ზელენსკიმ.
