უკრაინის პრეზიდენტმა ვოლოდიმირ ზელენსკიმ კრივი რიჰზე მომხდარ თავდასხმაზე აშშ-ის საელჩოს რეაქცია გააკრიტიკა.
„სამწუხაროდ, არასასიამოვნოდ გასაკვირია ამერიკის საელჩოს რეაქცია: ასეთი ძლიერი ქვეყანა, ასეთი ძლიერი ხალხი - და ასეთი სუსტი რეაქცია. მათ ეშინიათ სიტყვა "რუსულის" თქმისაც კი, როდესაც საუბრობენ რაკეტაზე, რომელმაც ბავშვები დახოცა", - წერს ზელენსკი ტელეგრამის არხზე.
„ძალიან მნიშვნელოვანია, რომ რუსეთის დარტყმა ხალხის ქალაქის წინააღმდეგ და ყოველი ასეთი დარტყმა არ დარჩეს მსოფლიოსთვის შეუმჩნეველი. კრივი რიჰსა და მთელ უკრაინას გუშინ და დღეს ბევრმა დაუჭირა მხარი", - აღნიშნა უკრაინის პრეზიდენტმა..
ამავდროულად, ზელენსკიმ მადლობა გადაუხადა ჩეხეთის რესპუბლიკის, ფინეთის, ლიეტუვის, ლატვიის, ესტონეთისა და ავსტრიის საგარეო საქმეთა მინისტრებს პრინციპული პოზიციისთვის.
მან ასევე აღნიშნა, რომ თავდასხმის შემდეგ ასევე პრინციპული პოზიცია გამოხატეს იაპონიის, ბრიტანეთის, შვეიცარიისა და გერმანიის საელჩოების წარმომადგენლებმა, ასევე ევროკავშირის მთავარმა დიპლომატმა.
4 აპრილს, საღამოს რუსეთის ძალებმა კრივი რიჰზე, საბავშვო მოედანთან ახლოს ბალისტიკური რაკეტით იერიში მიიტანეს, დაიღუპა 18 ადამიანი, მათ შორის 9 ბავშვი.ამის შემდეგ ოკუპანტებმა ქაკაქის წინააღმდეგ კიდვ ერტი დარტყმა განახორციელეს, ამჯერად დრონებით, რომელსაც ერთი ადამიანი ემსხვერპლა.
თავდასხმის შემდეგ, უკრაინაში აშშ-ის ელჩმა ბრიჯიტ ბრინკმა X-ზე დაწერა, რომ იგი "შოკირებულია" და აღნიშნა, რომ ეს არის "მიზეზი, რის გამოც ომი უნდა დასრულდეს". ბრინკმა პოსტში რუსეთი არც უხსენებია.
