უკრაინის პრეზიდენტმა ვოლოდიმირ ზელენსკიმ აღნიშნა, რომ უკრაინა და მისი მოკავშირეები ევროპასა და შეერთებულ შტატებში სრულად ერთიანნი ცეცხლის სწრაფი შეწყვეტის საკითხში.
მისი თქმით, ცეცხლის სრული შეწყვეტის შემდეგ მხოლოდ გარკვეული პერიოდის შემდეგ იქნება შესაძლებელი დიალოგის დიპლომატიურ ვარიანტებზე გადასვლა. „ჩვენ გვინდა ომის სწრაფად დასრულება, რაც შეიძლება მალე.
ჩვენ გვინდა ომის სწრაფად დასრულება, რაც შეიძლება მალე. საუდის არაბეთში ჩვენ დავთანხმდით ცეცხლის უპირობო შეწყვეტაზე. რუსები ამაზე ჯერ არ დათანხმებულან, ამას ვხედავთ. თუმცა ვიცით, რომ ამ თემაზე ამერიკელებსა და რუსებს შორის საუბრები მიმდინარეობს. საჯარო არ არის, მაგრამ ასეთი საუბრები არსებობს.
დღეს, რაც არ უნდა განსხვავებულად შევხედოთ გარკვეულ საკითხებს, მაგრამ რა თქმა უნდა, ამერიკელებთან და ევროპელებთან ერთად, იმის მიუხედავად, რომ ყველას თავისი ინტერესები აქვს, ჩვენ ყველანი ერთიანნი ვართ ცეცხლის სწრაფად შეწყვეტის საკითხში. ეს არის რუსებზე ზეწოლის საკითხი, რათა მივიდეთ [ცეცხლის შეწყვეტამდე]. მე ვფიქრობ, რომ ეს შეიძლება გაკეთდეს მომდევნო რამდენიმე კვირაში, შესაძლოა თვეებში. შეიძლება განსხვავებული იყოს. ეს განსაკუთრებით ეხება ომის ცხელ ფაზას. ეს არის სრული ცეცხლის შეწყვეტა, ეს არის სწორი ნაბიჯი, რომელსაც უკრაინა დათანხმდა და რომელსაც უკრაინა მხარს უჭერს“, - განაცხადა ზელენსკიმ.
მისი თქმით, ამ ცეცხლის შეწყვეტიდან გარკვეული პერიოდის შემდეგ შესაძლებელი იქნება დიალოგის დიპლომატიურ ვარიანტებზე საუბარი. თუმცა, ზელენსკიმ აღნიშნა, რომ ასეთი დიალოგი მხოლოდ ცეცხლის შეწყვეტის შემთხვევაშია შესაძლებელი, წინააღმდეგ შემთხვევაში ეს ზეწოლად იქნება აღქმული.
