რუსეთის პირდაპირი ინვესტიციების ფონდის ხელმძღვანელი კირილ დმიტრიევი ამ კვირაში ეწვევა ვაშინგტონს, სადაც შეხვდება აშშ-ის პრეზიდენტის სპეციალურ წარმომადგენელს სტივ უიტკოფს. ამის შესახებ ინფორმაციას CNN წყაროებზე დაყრდნობით ავრცელებს.
როგორც გამოცემა აღნიშნავს, ეს შეხვედრა ორ ქვეყანას შორის ურთიერთობების გაღრმავებაზე მოლაპარაკებებისთვის გაიმართება.
CNN აღნიშნავს, რომ მისი ვიზიტი იქნება რუსეთის ოფიციალური პირის პირველი ვიზიტი ვაშინგტონში მოლაპარაკებებისთვის 2022 წლის უკრაინაში რუსეთის შეჭრის შემდეგ და ხაზს უსვამს კიდევ ერთ ნაბიჯს ორ ქვეყანას შორის ურთიერთობების შესამჩნევად დათბობაში პრეზიდენტ დონალდ ტრამპის მეორედ გაპრეზიდენტების შემდეგ.
დმიტრიევი პუტინის ახლო მრჩეველია და თებერვალში სხვა რუს ოფიციალურ პირებთან ერთად იმყოფებოდა ერ-რიადში, სადაც აშშ-სა და რუსეთის დელეგაციებს შორის მოლაპარაკებები გაიმართა.
ის ასევე მუშაობდა უიტკოფთან ამერიკელი მასწავლებლის მარკ ფოგელის გათავისუფლების საკითხზე.
გამოცემა აღნიშნავს, რომ აშშ-ის ხელისუფლებამ დროებით გააუქმა დმიტრიევის წინააღმდეგ სანქციები, რათა სახელმწიფო დეპარტამენტს მისცეს მისთვის აშშ-ში შესვლის ვიზის გაცემის ნებართვა.
დმიტრიევი 2022 წლის თებერვლიდან აშშ-ის, კანადის, ევროკავშირის, დიდი ბრიტანეთის, ავსტრალიისა და ახალი ზელანდიის სანქციების ქვეშ იმყოფება.
