უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინა შეერთებულ შტატებთან არ მოაწერს ხელს წიაღისეულზე შეთანხმებას, თუ ეს საფრთხეს შეუქმნის უკრაინის ევროკავშირში გაწევრიანებას.
უკრაინის პრეზიდენტმა განაცხადა, რომ უკრაინულმა მხარემ დღეს ოფიციალურად მიიღო შეერთებული შტატებისგან წიაღისეულის შესახებ შეთანხმების ვერსია.
„ოფიციალურად, ისევ და ეს მნიშვნელოვანია, უკრაინულმა მხარემ, კერძოდ, უკრაინის მინისტრთა კაბინეტმა, კერძოდ, ჩემმა ოფისმა, ჩვენ დღეს ოფიციალურად მივიღეთ აშშ-ის ვერსია“, - განაცხადა სახელმწიფოს მეთაურმა.
ზელენსკის თქმით, რამდენიმე ხნის წინ ვიცე-პრემიერმა იულია სვირიდენკომ მიიღო შეთანხმების ვერსია აშშ-ის სახაზინო მდივან ბესენტთან ორმხრივი კონტაქტის დროს, მაგრამ საჭიროა შედარონ არის თუ არა ეს იგივე შეთანხმება.
"მე მას რამდენიმე კითხვა დავუსვი. მან თქვა: ”ძალიან რთულია კომენტარის გაკეთება, ეს არის სრულიად განსხვავებული დოკუმენტი, არის ბევრი რამ, რაც არ იყო ნახსენები და გამოჩნდა რაღაცები, რაც მხარეებმა ადრე უარყვეს”, - თქვა ზელენსკიმ.
მან ხაზგასმით აღნიშნა, რომ აუცილებელი იყო „უმაღლეს დონეზე ადვოკატებისგან კონკრეტული რეცენზიის მიღება“.
„შეადარონ ყველა ეს შეთანხმება, უკვე ბევრია და მივიღებ იმ შეთანხმებას, რომელიც ჩვენმა მხარემ ოფიციალურად მიიღო“, - აღნიშნა სახელმწიფოს მეთაურმა.
ამასთან, ზელენსკიმ განაცხადა, რომ უკრაინა ხელს არ მოაწერს შეთანხმებას, თუ ის საფრთხეს შეუქმნის მის ევროკავშირში გაწევრიანებას.
„უკრაინის კონსტიტუციაში მკაფიოდ წერია, რომ ჩვენი კურსი არის ევროკავშირისკენ... არის ძალიან მნიშვნელოვანი რეფორმები, არის შესაბამისი ნაბიჯები. არაფერი, რაც შეიძლება ემუქრებოდეს... უკრაინის ევროკავშირში გაწევრიანებას, არ შეიძლება მიღებულ იქნას“, - განაცხადა ზელენსკიმ.
