ჩეხეთის პრემიერ მინისტრი პეტრ ფიალა მიიჩნევს, რომ ევროპა აშშ-სგან ძალის დემონსტრირებას საწიროებს, რათა შეაჩეროს რუსეთის მხრიდან შესაძლო აგრესიული ნაბიჯები. იუწყება Bloomberg.
ჩეხეთის პრემიერ-მინისტრმა თქვა, რომ ევროპა აღმოჩნდა „ძალიან რთულ და საშიშ სიტუაციაში, რომელსაც ზოგი სამართლიანად უწოდებს მეორე ცივ ომს“.
„ჩვენს ინტერესებშია, გვყავდეს ძლიერი ამერიკა, რომელიც აჩვენებს თავის ძალას რუსეთს, რადგან ეს ერთადერთი შანსია პუტინის შესაჩერებლად“, - განაცხადა მან.
ფიალამ ხაზგასმით აღნიშნა, რომ უკრაინაში ცეცხლის შეწყვეტის შესახებ ნებისმიერი შეთანხმება მისაღები უნდა იყოს თავად უკრაინისთვის, წინააღმდეგ შემთხვევაში ეს იქნება 1938 წლის „კიდევ ერთი მიუნხენის შეთანხმება“.
„ევროპის უსაფრთხოება უბრალოდ ვერ იქნება უზრუნველყოფილი, როდესაც რუსეთმა უკრაინის ნაწილის ოკუპაცია მაოხდინა და აგრძელებს აგრესიას.
მე არ მჯერა დამშვიდების პოლიტიკის - ის ყოველთვის მომგებიანია აგრესორისთვის. ყოველთვის“, - აღნიშნა ჩეხეთის პრემიერ-მინისტრმა.
ის ამასთან, დაეთანხმა აშშ-ის არჩეული პრეზიდენტის დონალდ ტრამპის მოთხოვნას თავდაცვის ხარჯების გაზრდის შესახებ და მოუწოდა ევროპელ მოკავშირეებს გააძლიერონ სამხედრო შესაძლებლობები და დახმარება გაუწიონ უკრაინას.
„ჩვენი უსაფრთხოება სამუდამოდ ვერ იქნება დაფუძნებული აშშ-ს სურვილზე, დავიცვათ ევროპა, ჩვენ უნდა შევასრულოთ მეტი როლი, ავიღოთ მეტი პასუხისმგებლობა“, - განაცხადა ფიალამ.
