პირველი გავუწვდით ხელს ამერიკისა და ევროკავშირის ელჩებს, 20 იანვრის შემდეგ ზეწოლისგან ისინიც გათავისუფლდებიან, - ამის შესახებ პრემიერ-მინისტრმა ირაკლი კობახიძემ განაცხადა.
„კონკრეტული ელჩები, ვისი პოზიციაც იყო განსაკუთრებით საინტერესო, წინასაარჩევნო პერიოდში ზოგჯერ პირდაპირ იყვნენ ჩართულები რადიკალური ოპოზიციის საარჩევნო კამპანიაში და უკვე არჩევნების შემდეგ, თავიდან ბოლომდე სიჩუმეს ინარჩუნებდბენნ სისტემური ძალადობის ფაქტებთან დაკავშირებით, ასევე, მათი დუმილი ჩანს არჩევნების ლეგიტიმაციის აღიარების კუთხით.
ჩვენ მზად ვართ, რა თქმა უნდა, მიუხედავად მათი ქმედებებისა, როგორც კი დასრულდება ეს პროცესები, ჩვენ თვითონ ხელი გავუწოდოთ თითოეულ ამ ელჩს.
ჩვენ გვესმის, ისინი არიან ძალიან სერიოზული ზეწოლის ქვეშ და 20 იანვრამდე ეს ზეწოლა გაგრძელდება, თუმცა, 20 იანვრის შემდეგ ეს ელჩებიც გათავისუფლდებიან და შესაბამისად, მათ ექნებათ საშუალება, რომ იმოქმედონ მეგობრულად და სამართლიანად ჩვენი ქვეყნის მიმართ.
და პირველი, ვინც ხელს გაუწვდის ამ ელჩებს, პირველ რიგში, ვგულისხმობ, რა თქმა უნდა, ამერიკისა და ევროკავშირის ელჩებს, ეს ვიქნებით სწორედ ჩვენ“, - თქვა კობახიძემ.
