ლატვიის პრეზიდენტმა ედგარს რინკევიჩმა ყოველწლიურ საერთაშორისო კონფერენციაზე Riga StratCom Dialogue, გააკრიტიკა ევროკავშირის პოლიტიკა საქართველოს მიმართ და ხაზი გაუსვა მკაფიო და გადამწყვეტი გზავნილების აუცილებლობას რეგიონში სტაბილურობისა და დემოკრატიის ხელშეწყობისთვის.
რინკევიჩმა ხაზგასმით აღნიშნა, რომ საქართველოში შექმნილი ვითარება მოითხოვს ევროკავშირის სწრაფ და მკაცრ მოქმედებას. მან შეშფოთება გამოხატა საქართველოში რუსეთის მზარდი გავლენის გამო და ხაზი გაუსვა, რომ ლატვია მხარს დაუჭერს საქართველოს მის ძალისხმევაში მხოლოდ იმ შემთხვევაში, თუ ქვეყანა პატივს სცემს დემოკრატიისა და კანონის უზენაესობის პრინციპებს.
„თუ ჩვენ არ გავუგზავნით ძალიან მკაფიო და ძლიერ მესიჯს და მხოლოდ ჩვენს შეშფოთებას გამოვთქვამთ, ვითარება გაუარესდება“, - თქვა მან.
გარდა ამისა, ლატვიის პრეზიდენტმა განაცხადა, რომ 2008 წელს საქართველოში რუსეთის სამხედრო აგრესიაზე საერთაშორისო პასუხი არასაკმარისი იყო.
