ქედის მუნიციპალიტეტში, სოფელ კოკოტაურში კაცი დაჭრეს. ინფორმაციას "აჭარა თაიმსი" ავრცელებს.
გავრცელებული ინფორმაციით, შემთხვევას წინ დაპირისპირება უძღოდა.
დაჭრილი სასწრაფო სამედიცინო დახმარების ჯგუფმა კლინიკაში გადაიყვანა, სადაც მას შესაბამისი დახმარება გაუწიეს.
"პაციენტის ჯანმრთელობის მდგომარეობა დამაკმაყოფილებელია, სხვა ვერაფერს გეტყვით," - ამბობს ქედის კლინიკის დირექტორი "აჭარა თაიმსთან."
მომხდარზე გამოძიება სისხლის სამართლის კოდექსის 118-ე მუხლით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს.