ჯანდაცვის სამინისტროში დღეს აქონდროპლაზიის სინდრომის მქონე ბავშვების მშობლებმა ხელი მოაწერეს ხელშეკრულებას, რომელიც მედიკამენტ „ვოზორიტიდით“ მკურნალობის მეთოდებს მოიცავს, ასევე, ხელშეკრულებაზე ხელმოწერით მშობლები თანხმობას აცხადებენ პროგრამაში შვილების ჩართულობის შესახებ.
„ფაქტობრივად წამალი გვიჭირავს ხელში.
დღეს ხელი მოვაწერეთ თანხმობას, რომ ვიღებთ პასუხისმგებლობას, ჩვენს შვილებს ჩაუტარდეთ უკვე სახელმწიფო პროტოკოლით გათვალისწინებული მკურნალობა წამალ ,,ვოზორიტიდით" და ჩვენ, მშობლებმა, უზრუნველვყოთ მათი ტარება კლინიკაში შეუფერხებლად, დავიცვათ უსაფრთხოების ყველა წესი.
კიდევ ათასჯერ ვიტყვი, თქვენი გვერდში დგომის გარეშე, ასე არ დაჩქარდებოდა პროცესი და ყველა აქტივისტს და ყველა მოქალაქეს გიმახსოვრებთ! როგორ არ დაგვტოვეთ მარტო.
პეტრე 2024 წლიდან, 5 ბავშვი კი უკვე დღე-დღეზე დაიწყებს წამლის მიღებას“, - წერს სოციალურ ქსელში აქონდროპლაზიის სინდრომის მქონე ბავშვის მშობელი, მაკუნა გოჩიაშვილი.
„ვოზორიტიდით“ მკურნალობის პროგრამაში პირველ ეტაპზე, წელს, სავარაუდოდ, ოქტომბრიდან ხუთი ბავშვი ჩაერთვება, სხვა ბავშვების მკურნალობა კი 2024 წლიდან ეტაპობრივად დაიწყება.
