მიხეილ სააკაშვილმა სათაფლიის მღვიმეში გამართულ მთავრობის სხდომაზე ქვეყნის მთავარ გამოწვევად ინფლაცია დაასახელა, რასაც მისი თქმით, ბაზარზე ნავთობისა და საკვებ პროდუქტებზე ფასების ზრდა განაპირობებს.
"ჩვენი მთავარი გამოწვევა დღეს არის ინფლაცია - ყოველდღიუად ჩვენს ხალხს კბენენ ფასები. მე მინდა რომ ჩვენმა ხალხმა იცოდეს - ვიღაცამ რომ პოპულისტურად მოყვა ამ მთავრობამ გაგვიძვირა ბენზინი და რაღაც სხვა, მინდა ვთქვა, რომ მთავრობას ბეზნინი არა აქვს, თორემ, უფასოდ დავურიგებდით ხალხს. მსოფლიო ბაზარზე მიდის ძალიან ცუდი პროცესები - ნავთობი ძვირდება და წელს პროდუქტები გაძვირდა, მათ შორის საბაზისო პროდუქტები - წიწიბურა, შაქარი, ხორბალი და მომავალ წელს მოსავლის ბედი კიდევ არის გაურკვეველი", _ განაცხადა სააკაშვილმა.
პრეზიდენტის პროგნოზით, ინფლაციურ პროცესები გაძლიერდება. მისივე თქმით, რაც შეიძლება გააკეთოს პატარა ქვეყნის მთავრობამ შეზღუდული ბერკეტებით - ეს არის, რომ რაღაცნაირად "შევიმუშავოთ პროგრამა ღონისძიებების რომლებიც შეუმსუბუქებს ინფლაციურ დარტყმებს ჩვენს ხალხს".
"მე არ მინდა ჩვენი ხალხი მოვატყუოთ. ინფლაციურ პროცესები გაძლიერდება, ჩვენ მაქსიმალური კი, რაც შეგვიძლია გავაკეთოთ პატარა ქვეყნის მთავრობამ შეზღუდული ბერკეტებით - ეს არის, რომ რაღაცნაირად შევიმუშავოთ პროგრამა ღონისძიბეების რომლებიც შეუმსუბუქებს ინფლაციურ დარტყმებს ჩვენს ხალხს", _ განაცხადა პრეზიდენტმა.