პუტინს ომი დამარცხდება მაშინ, როდესაც რუსეთის არმია განდევნილი იქნება უკრაინის საერთაშორისოდ აღიარებულ საზღვრებს მიღმა, – ამის შესახებ ბრატისლავაში გლობალური უსაფრთხოების ფორუმის ფარგლებში დისკუსიისას პოლონეთის პრეზიდენტმა, ანჯეი დუდამ განაცხადა.
„დღეს ამბობენ, რომ ვლადიმერ პუტინმა ომი წააგო, მისი მარცხი კი მდგომარეობს იმაში, რომ ფინეთი გაწევრიანდა ნატო-ში, მაშინ, როდესაც მრავალი წელი ფინელები ყოყმანობდნენ, უნდა ეთქვათ თუ არა უარი ნეიტრალიტეტზე. ქალბატონებო და ბატონებო, ვლადიმირ პუტინს არ წაუგია არც ერთი ომი“, – განაცხადა დუდამ.
პოლონეთის პრეზიდენტმა იმედი გამოთქვა, რომ პუტინი ამ ომში დამარცხდება, თუმცა, მისივე თქმით, ახლა არის ვიტარება, როდესაც ასობით ადამიანი ყოველდღიურად იღუპება ფრონტზე, ამასთან, რუსები 100 მილიონზე მეტნი არიან, უკრაინელები კი – 40 მილიონზე ნაკლები.
„ეს სხვაობა აჩვენებს, ვის აქვს უპირატესობა. რუსებისთვის ადამიანის სიცოცხლე არაფერს ნიშნავს, უკრაინელებისთვის კი თითოეულ სიცოცხლეს ოქროს ფასი აქვს. ეს განსხვავებული კულტურებია. რუსეთი ბირთვული სახელმწიფოა, მას იარაღის გიგანტური მარაგები აქვს. ჩვენ ვიცინით, რომ მას ფრონტზე 1960-იანი წლების ტანკები გაჰყავს – თითოეული ტანკი 50-60 ტონას იწონის. თუკი ის გადაადგილდება, ის გაჭყლეტს, იმის მიუხედავად, არის თუ არა თანამედროვე“, – განაცხადა პოლონეთის ლიდერმა.
პოლონეთის პრეზიდენტი მიიჩნევს, რომ პუტინი ომში დამარცხდება, როდესაც რუსეთის არმია განდევნილი იქნება უკრაინის საერთაშორისოდ აღიარებულ საზღვრებს მიღმა.
„ომი გრძელდება, რუსეთი უფრო მობილიზდება, რუსეთის ეკონომიკა საომარ ლიანდაგებზე გადადის. ეჭვი არ შეგეპაროთთ, მათ შეუძლიათ, პროპაგანდის საშუალებით უთხრან ხალხს, რომ ქამრები შემოიჭირონ და იმ შემთხვევაშიც კი, თუ მშივრები არიან, უნდა იამაყონ, რადგან რუსეთი დიდია“, – განაცხადა ანჯეი დუდამ.
