უკრაინის პრეზიდენტის ადმინისტრაციის უფროსი ანდრეი ერმაკი ტელეკომპანია "ფორმულასთან" ინტერვიუში ამბობს, რომ საქართველოსა და უკრაინის მეგობრობას ზიანს ვერაფერი მიაყენებს.
"მე პირადად ვიცი ქართველების დამოკიდებულება უკრაინელების მიმართ. მე აბსოლუტურად დარწმუნებული ვარ, რომ ქართველი ხალხი არის თავისი ძმური, მეგობრული უკრაინელი ხალხის მხარეს. ქართველი ხალხი სინამდვილეში დღეს თვლის პრეზიდენტ ზელენსკის თავისუფალი სამყაროს გმირად, როგორც მას აფასებენ სხვა ქვეყნებში.
პოლიტიკოსი შეიძლება იყოს ძალიან კარგი მედიასთან, შეიძლება იყოს კარგი Facebook-ში, მაგრამ მთავარია, რომ შენმა ხალხმა დაგიჭიროს მხარი. ხალხი ყოველთვის უფრო გონიერი და ჭკვიანია ნებისმიერ პოლიტიკოსზე. ამიტომ, არაფერი არ მიაყენებს ზიანს მრავალსაუკუნოვან მეგობრობას საქართველოსა და უკრაინას შორის, ისტორიულ მეგობრობას და ამ ძმობის შეგრძნებას ხალხებს შორის. ხოლო პოლიტიკოსები - ისინი მოდიან და მიდიან", - ამბობს ერმაკი.
მისივე თქმით, საქართველოს მთავრობის გაურკვეველი, არამკაფიო პოზიცია ეჭვს იწვევს.
"არიან გმირები, რომლებიც, სამწუხაროდ, დაიღუპნენ, ნათელი ხსოვნა იყოს მათი. რა თქმა უნდა, ისინი აქ იცავდნენ არა მხოლოდ უკრაინას, ისინი აქ იცავდნენ საქართველოს. მე მყავს აქ პირადად მეგობრები, რომელთა ქართველი შვილები, ქართველები დღეს წინა ხაზზე დგანან. ისინი დღეს ჩემს ქვეყანას იცავენ, ამასთან, ისინი არიან ქართველები. ვფიქრობ, რომ საქართველოს ხელისუფლების ეს გაურკვეველი, არამკაფიო პოზიცია უპირობოდ იწვევს ეჭვს", - ამბობს ერმაკი.
თარმგანი ტელეკომპანია "ფორმულა".