პარტია "მოქალაქეების" ლიდერი ალეკო ელისაშვილი ეხმიანება მიხეილ სააკაშვილის განცხადებას, რომლითაც მან სამხედროებს მიმართა.
ელისაშვილის განცხადებით, ჯარი, შეიარაღებული ძალები პოლიტიკურად წმინდა საკითხია და მას არავითარ შემთხვევაში უნდა შეეხო.
"არის საკითხები, რომლებიც წმინდა საკითხებია, რომელსაც არ უნდა შეეხო არანაირი პოლიტიკური ზრახვითა და პოლიტიკური სურვილით. ჩემთვის და ზოგადად, სახელმწიფოსთვის ასეთი წმინდა საკითხია თავდაცვის ძალები და შეიარაღებული ძალები. არასდროს არავინ არ უნდა ცდილობდეს, პოლიტიკური გავლენები მოახდინოს ჯარისკაცებსა და ოფიცრებზე, არავითარ შემთხვევაში არ შეიძლება, კონსტიტუციაშიც წერია, პოლიტიკის მიღმა მყოფი სტრუქტურაა. ზოგადადაც, განცდითაც ეს არის საერთო ეროვნული სიამაყე და პოლიტიკურადაც ეს არის თემა, რომელსაც არ უნდა შეეხო. სააკაშვილს ხომ ასეთი თემები არ აქვს, წმინდა, საამაყო, ოღონდ მან თავისას მიაღწიოს და მზადაა, ყველაფერზე წავიდეს, ეს ამის დასტურია", - ამბობს ალეკო ელისაშვილი საზოგადოებრივი მაუწყებლის ცნობით.
