- საზოგადოება 10 აგვისტო 2021, 12:47
კორონავირუსის გავრცელების დინამიკით, საქართველო მსოფლიოში პირველ ადგილზეა
ბოლო მონაცემებით, 100 000 მოსახლეზე კორონავირუსის შემთხვევების ყოველდღიური მატებით, საქართველო მსოფლიოში პირველ ადგილზეა. ამ მონაცემებს ამერიკული გამოცემა New York Times-ი აქვეყნებს.
ბოლო 7 დღის განმავლობაში ახალი ინფიცირების შემთხვევათა რიცხვი საშუალოად 3 758-ა, რაც ყოველ 100 000 მოსახლეზე 101 შემთხვევას გულისხმობს.
New York Times-ის მონაცემებით, ბოლო ორი კვირის განმავლობაში საქართველოში კორონავირუსის შემთხვევების რაოდენობა 68%-ით გაიზარდა.
100 000 მოსახლეზე სიკვდილიანობის მაჩვენებლით საქართველო ცხრილში მეოთხე ადგილს იკავებს.
შეგახსენებთ, ბოლო 24 საათში საქართველოში ინფიცირების ახალი შემთხვევებისა და გარდაცვალების პიკური მაჩვენებლები დაიფქსირდა. კერძოდ, გასული დღე ღამის განმავლობაში 5 697 ახალი შემთხვევა გამოვლინდა, გარდაიცვალა 54 პაციენტი.
