კორონავირუსით ინფიცირებული პაციენტებიდან 25-ის მდგომარეობა კრიტიკულია. განაცხადა თბილისის ინფექციური საავადმყოფოს ბოქსირებული განყოფილების ხელმძღვანელმა, მარინა ენდელაძემ.
მისი თქმით, მათგან 22 მართვით სუნთქვაზე იმყოფება.
"3500-მდე პაციენტიდან კრიტიკულად ითვლება 25 პაციენტი, მათგან 22 მართვით სუნთქვაზეა", - განაცხადა ენდელაძემ.
ბოლო 24 საათში, საქართველოში COVID-19-ით ინფიცირების 298 ახალი შემთხვევა გამოვლინდა, გარდაიცვალა 3 პაციენტი.
სულ ქვეყანაში კორონავირუსით ინფიცირების 5552 შემთხვევაა აღრიცხული, გარდაიცვალა 31 პაციენტი.
