თერჯოლის მუნიციპალიტეტის მერის მოვალეობის შემსრულებელი ლაშა გოგიაშვილი ნახშირღელეში იმყოფებოდა.
ლაშა გოგიაშვილი სოციალური სამსახურის ხელმძღვანელ დიანა ფოცხვერაშვილთან, მერის წარმომადგენელ მაია გაბიძაშვილთან, დეპუტატ ლაშა ლანჩავასთან ერთად სოციალურად შეჭირვებულ ოჯახებს ეწვია, სასურსათო ნობათი გადასცა და საყოფაცხოვრებო საკითხებზე გაესაუბრა.
ლაშა გოგიაშვილმა ასევე ადგილობრივი ხელისუფლების წარმომადგენლებისგან სოფელში მიმდინარე პროექტებსა და მოსახლეობისთვის აქტუალურ სხვადასხვა საკითხზე მიიღო ინფორმაცია.