ალ პაჩინო ლეგენდარული მუსიკალური პროდიუსერის ფილ სპექტორის როლს შეასრულებს ახალ სატელევიზიო ფილმში, რომელსაც HBO -ს არხისთვის გადაიღებენ.
ფილმისთვის სცენარს დევიდ დემეტი წერს. ფილმის პროდუსერი კი ბარი ლევინსონი იქნება, რომელსაც "წვიმის კაცი" აქვს გადაღებული.
მსახიობის განცხადებით, ლეგენდარული მუსიკალური პროდიუსერის როლის შესრულება მისთვის მეტად საინტერესო იქნება.
ფილ სპექტორი წლების განმავლობაში ისეთ მუსიკოსებთან მუშაობდა როგორებიც არიან თინა თერნერი, ჯორჯ ჰარისონი, ჯონ ლენონი. იგი იყო ლეგენდარული ბითლზების ალბომის Let it be -ს პროდიუსერი.
2009 წელს 70 წლის სპექტორი ლანა კლარკსონის მკვლელობაში იქნა დადანაშაულებული. მკვლელობა 2003 წელს მოხდა. აღნიშნული დანაშაულის გამო მას 19 წლით თავისუფლების აღკვეთა მიესაჯა.
