დღეს, ევროკომისია წარმოადგენს სახელმძღვანელო პრინციპებისა და რეკომენდაციების პაკეტს, რომელიც დაეხმარება წევრ სახელმწიფოებს თანდათანობით გააუქმონ მოგზაურობის შეზღუდვები და ტურიზმის ბიზნესს გახსნის შესაძლებლობას მისცემს, ჯანმრთელობის დაცვის აუცილებელი ზომების გათვალისწინებით.

ევროკომისიის მიზანია, ადამიანებს შესთავაზოს ისეთი რეკომენდაციები, რომ მათ შეძლონ დასვენება და მოგზაურობა, ყველა საჭირო უსაფრთხოებისა და პროფილაქტიკური ზომების დაცვით.

პაკეტის მიზანია, დაეხმაროს ევროკავშირის ტურიზმის სექტორს, დაძლიოს პანდემიით გამოწვეული ზარალი და უზრუნველყოს, რომ ევროპა ვიზიტორების კვლავ ნომერ პირველი მიმართულება იყოს.

ევროკომისიის მომზადებული რეკომენდაციების პაკეტი მოიცავს:

•   აღდგენის სტრატეგიას ევროკავშირსა და მის ფარგლებს გარეთ;

•   თავისუფალი გადაადგილებისა და ევროკავშირში შიდა საზღვრებზე შეზღუდვების თანდათანობით და კოორდინირებული მოხსნის ერთიანი ხედვა;

•   ტრანსპორტის ეტაპობრივი აღდგენისა და მგზავრთა უსაფრთხოების ჩარჩო დოკუმენტი;

•   სამგზავრო ვაუჩერების გაცემის რეკომენდაციას, რომელიც ალტერნატივა იქნება იმ მგზავრებისთვის ფულადი ანაზღაურებისა, რომელთაც დაგეგმილი ფრენები გაუუქმდა.

•   ტურისტული საქმიანობის უსაფრთხო და თანდათანობით აღდგენის კრიტერიუმები და ჯანმრთელობის პროტოკოლების შემუშავება სასტუმროებისთვის ტურისტებისა და მოგზაურთათვის

ევროკომისია ცდილობს, ადამიანებს მისცეს შესაძლებლობა, კვლავ იმოგზაურონ შემდეგი წესების დაცვით

•   უსაფრთხო გადაადგილების თავისუფლება და შიდა სასაზღვრო კონტროლის მოხსნა;

•   სატრანსპორტო სერვისების აღდგენა ევროკავშირის მასშტაბით, სატრანსპორტო მუშაკებისა და მგზავრების ჯანმრთელობის დაცვა;

•   ტურისტული მომსახურებების უსაფრთხოების წესების დაცვით აღდგენა’

•   სამგზავრო ვაუჩერების შეთავაზება;

ევროკავშირის წესების თანახმად, მოგზაურებს უფლება აქვთ აირჩიონ ვაუჩერები ან ფულადი ანაზღაურება გაუქმებული სატრანსპორტო ბილეთების სანაცვლოდ.

იმის გათვალისწინებით, რომ პანდემიამ განუზომელი ფინანსური ზარალი მიაყენა ავიაკომპანიებს, ევროკომისია მიიჩნევს, რომ სამგზავრო ვაუჩერები უფრო მიმზიდველი იქნება ტურისტებისთვის, რათა მათაც მიიღონ სასურველი მომსახურება და ავიაოპერატორებისთვისაც ფინანსური ტვირთი შემსუბუქდეს.

სამგზავრო ვაუჩერები 12 თვის განმავლობაში იმოქმედებს და მისი მეშვეობით ადამიანებმა უნდა მიიღონ გაუქმებული რეისის ეკვივალენტური მომსახურება.