სუპერმარკეტების მსხვილი ქსელის „ნიკორა თრეიდის“ აღმასრულებელი დირექტორი დავით ურუშაძე კომენტარს აკეთებს ქვეყანაში სასურსათო და პირველადი მოხმარების საქონლის მარაგებთან დაკავშირებით და აცხადებს, რომ მარაგების პრობლემა არ არსებობს.
„ჩვენ ვესაუბრეთ იმ მომწოდებლებს, რომლებიც პირველადი დანიშნულების საქონლით გვამარაგებენ და გვითხრეს, რომ მომარაგებასთან დაკავშირებით, პრობლემები არ შეიქმნება. ამის საშიშროებას ისინი ვერ ხედავენ. ჩვენ გუშინ მთავრობის წარმომადგენლებთანაც გვქონდა შეხვედრა, მათი მხრიდან გამოითქვა მზაობა, რომ რაღაც საკითხებში გვქონდეს ხელშეწყობა.
მე პირადად ჯერჯერობით პანიკის საფუძველს ვერ ვხედავ. მაქსიმალურად მომზადებული ვხვდებით ქვეყანაში არსებულ სიტუაციას", - განაცხადა "ნიკორა ტრეიდის" აღმასრულებელმა დირექტორმა, დავით ურუშაძემ.
