მონტენეგრო, ალბანეთი, ნორვეგია და უკრაინა რუსეთის წინააღმდეგ ევროკავშირის გახანგრძლივებულ სანქციებს შეუერთდნენ. ამის შესახებ ნათქვამია ევროკავშირის საგარეო ოფისის ხელმძღვანელის ფედერიკა მოგერინის განცხადებაში, რომელიც დღეს გავრცელდა.
"კანდიდატი ქვეყნები [ევროკავშირში გაწევრიანებისთვის] მონტენეგრო და ალბანეთი, ევროპის ეკონომიკური ზონის წევრი ქვეყანა, ნორვეგია და უკრაინა უერთდებიან ამ გადაწყვეტილებას.
ისინი უზრუნველყოფენ, რომ ეროვნული პოლიტიკა სანქციებთან შესაბამისობაში მოვიდეს. ევროკავშირი მიესალმება აღნიშნულ გადაწყვეტილებას”, - აღნიშნულია მასში.
12 სექტემბერს ევროკავშირმა უკრაინის სუვერენიტეტის წინააღმდეგ მიმდინარე ქმედებების გამო დაწესებული სანქციები კიდევ 6 თვით გაახანგრძლივა.