დღეს, 9 აპრილს, 12:00 საათზე, ბათუმში, გმირთა ხეივანში (იუსტიციის სახლის მიმდებარე ტერიტორია) გაიმართბა 9 აპრილისადმი მიძღვნილი ღონისძიება. უკვე დასრულდა 9 აპრილის მემორიალის მონტაჟი.
აჭარის მთავრობისა და ბათუმის მუნიციპალიტეტის წარმომადგენლები მემორიალს ყვავილებით შეამკობენ.
აღსანიშნავია, რომ გმირთა ხეივანში 9 აპრილის ხსოვნისა და დამოუკიდებლობის დღის აღსანიშნავი მემორიალი დაიდგა. მემორიალი წარმოადგენს დამოუკიდებლობისა და ერთიანობისთვის ბრძოლაში თავგანწირვისა და თავისუფლების სიმბოლოს. ესკიზის ავტორია თეიმურაზ მახარაძე. სამუშაოების ღირებულება 108 198, 47 ლარს შეადგენს.
