აფხაზეთის ავტონომიური რესპუბლიკის მთავრობის თავმჯდომარე გიორგი ბარამია ჩხოროწყუსა და მარტვილში ჩასახლებულ დევნილებს შეხვდა. იგი ჩხოროწყუსა და მარტვილის რაიონებში მცხოვრები დევნილების საცხოვრებელ პირობებს გაეცნო.
მთავრობის თავმჯდომარის სტუმრობის პარალელურად აფხაზეთის ჯანდაცვის სამინისტროს ორგანიზებით მიმდინარეობდა დევნილების უფასო სამედიცინო პროფილაკტიკური გამოკვლევები. გამოკვლევების შემდეგ მათ საჭირო მედიკამენტები და ჰუმანიტარული დახმარება გადაეცათ.
გიორგი ბარამია სამეგრელოს რეგიონს ორშაბათს ეწვია და რეგიონში ჩასახლებული დევნილების საცხოვრებელ პირობებს გაეცნო.