თბილისში მიმდინარე აქციის მონაწილეებს ხვალ უკვე ბათუმიდან შეუერთდებიან. დილის 12 საათიდან, ევროპის მოედნიდან ადგილობრივი ოპოზიციონერები, სამოქალაქო აქტივისტები და არასამთავრობო ორგანიზაციების წარმომადგენლები დედაქალაქისკენ გამოემგზავრებიან:
"როგორც ჩანს, ივანიშვილის რეჟიმი კიდევ აპირებს ძალის გამოყენებას და შესაძლებელია უარესიც კი ჩაიდინოს, ამიტომ, თუკი თავებს ითვლიან, მაშინ ისინი ნახავენ ხვალ ჩვენ რას ვაპირებთ. ბათუმიდან დავიძვრებით და მთელი საქართველოს გავლით, დიდი კოლონით ჩამოვალთ თბილისში, ხვალ 12 საათზე აჭარის მოსახლეობის საყურადღებოდ, ევროპის მოდებიდან გამოვემგზავრებით და გავივლით ყველა დიდ ქალაქს" განაცხადეს რამდენიმე წუთის წინ, ბათუმში გამართულ საგანგებო ბრიფინგზე.
"ჩვენი შვილების ცემა ივანიშვილს არ შერჩება , არ მოხდება ამ ქვეყანაში რუსული მთავრობის დიდხანს ყოფნა ხელისუფლებაში. პირდაპირი მნიშვნელობით სცემენ ჩვენ შვილებს..ივანიშვილმა უკვე ნახა თბილისი ქუჩაში, ახლა დროა ნახოს მთელი საქართველო რუსთაველის გამზირზე" - განაცხადა "ახალის" ადგილობრივმა ლიდერმა, გიორგი კირთაძემ.
