ქედაში ტრადიციული დღესასწაული „შემოდგომა ქედაში“ გაიმართა. ქედელების მთავარ დღესასწაულს აჭარის მთავრობის და აჭარის უმაღლესი საბჭოს თავმჯდომარეები,მინისტრები, საკანონმდებლო და აღმასრულებელი ხელისუფლების წარმომადგენლებთან ერთად დაესწრნენ.
დღესასწაულზე საპატიო ქედელების დაჯილდოება და ადგილობრივი ფოლკლორული ანსამბლების კონცერტი ჩატარდა, რის შემდეგაც მთავრობის ხელმძღვანელმა პირებმა ქედის სკვერში სხვადასხვა თემის მიერ წარმოდგენილი კუთხეები დაათვალიერეს და ქედელებს შემოდგომის დღესასწაული მიულოცეს.
შემოდგომის დღესასწაულს წელს ქედაში კინორეჟისორი ზაზა ხალვაში და ოსკარის დაჯილდოებაზე წარდგენილი ფილმის „ნამე“ გადამღები ჯგუფი სტუმრობდა. ქედის სკვერში დღევანდელ ღონისძიებაზე უკრაინელი სტუმრები და უცხოელი ვიზიტორები იმყოფებოდნენ.
