დიდი ბრიტანეთის მინისტრთა კაბინეტის წევრები შიშობენ, რომ მოსალოდნელი შეხვედრა აშშ-ის პრეზიდენტ დონალდ ტრამპსა და რუსეთის ლიდერ ვლადიმერ პუტინს შორის, ნატოს ერთიანობისთვის საშიში აღმოჩნდება. წერს გაზეთი The Times.
"მინისტრები შეშფოთებულები არიან იმით, რომ ტრამპს შეუძლია დაწიოს ევროპის წინაშე პასუხისმგებლობის დონე და წავიდეს კომპრომისზე ნატოს თავდაცვის საკითხზე რუსეთის აგრესიის წინააღმდეგ“ - წერს გამოცემა.
ასევე აღნიშნავენ, რომ ტრამპს შეუძლია ხელში გადასცეს პუტინს პროპაგანდისტული გამარჯვება - გააუქმოს ან შეიტანოს ცვლილებები სამხედრო წვრთნების ალიანსის გეგმებში.
გაზეთის თანახმად, "ყველა ასეთი ქმედებები ხელს შეუწყობს „ჯგუფი 29“-ის კრიზისს, რომელიც უზრუნველყოფს დასავლეთის უსაფრთხოებას 1949 წლიდან“.
"რაც ჩვენ გავღელვებს ეს არის ის, რომ მოულოდნელად შეიძლება იქნას გამოცხადებული „სამშვიდობო გარიგების“ შესახებ. ჩვენ შეიძლება მოვისმინოთ, რომ ტრამპი და პუტინი იტყვიან: „რათ გვინდა ეს შეიარაღებები ევროპაში? და შეთანხმდებიან მათ ერთობლივ გატანაზე“ - ციტირებს გაზეთი ერთ-ერთი მინისტრის სიტყვებს, თუმცა მის ვინაობას არ ასახელებს.
გამოცემა აღნიშნავს, რომ ბრიტანეთის მინისტრთა კაბინეტის დაყრდნობით, მივიდნენ დასკვნამდე, რომ ორი ქვეყნის ლიდერს შორის შესაძლოა მოხდეს მოლაპარაკება ისეთ საკითხებზეც როგორიცაა აშშ-ს უარი, მონაწილეობა მიიღოს ნატოს საშემოდგომო სწავლებაში ნორვეგიაში, რაც საშუალებას მისცემს აშშ-ს მნიშვნელოვანი დანაზოგი გააკეთოს. ტრამპი შესაძოლოა ყირიმის ანექსიას დათანხმდეს და შეამსუბუქოს სანქციები რუსეთთან აღმოსავლეთ უკრაინაში ცეცხლის შეწყვეტის საპასუხოდ.
მინისტრები მიიჩნევენ, რომ "სამომავლო პროვოკაციებს მოსკოვის მხრიდან უნდა ველოდოთ ფეხბურთის მსოფლიო ჩემპიონატის დასრულების შემდეგ, უახლოესი ექვსი თვის განმავლობაში".
"ევროპელი ლიდერები, ევროკავშირის დღევანდელ სამიტზე, განიხილავენ ევროპის ერთიანობის საფრთხეებს ტრამპის მხრიდან. ტერეზა მეი მზადაა შეუერთდეს ამ სამიტს, რათა წინააღმნდეგობა გაუწიოს რუსულ მუქარას, იმ შემთხვევაშიც კი, თუკი აშშ ამის წინააღმდეგი იქნება“ - წერს გაზეთი.
