12 ივნისს, სამშაბათს, 18:00 საათზე, სასტუმრო „რუმს თბილისში“ ჩატარდება ნარკოპოლიტიკის გლობალური კომისიის წევრების მედია ბრიფინგი, სადაც კომისიის წევრები მიშელ კაზაჩკინი და პაველ ბემი საქართველოში ორ დღიანი ვიზიტის შედეგებს შეაჯამებენ და დეკრიმინალიზაციის მსოფლიო გამოცდილებასა და შედეგებზე ისაუბრებენ.
კომისიის წევრების ვიზიტი თბილისში 11 ივნისს დაიწყო. ორ დღიანი ვიზიტის ფარგლებში დაგეგმილია შეხვედრები იუსტიციის, შრომის, ჯანმრთელობის და სოციალური დაცვის, განათლების და მეცნიერების მინისტრებთან, ასევე პარლამენტის თავმჯდომარესთან, სამოქალაქო საზოგადოების წარმომადგენლებთან და ნარკომომხმარებლებთან.
