თბილისში, რუსთაველის გამზირზე აქციის მონაწილეებსა და გამვლელს შორის სიტყვიერი დაპირისპირება მოხდა.
აქციის მონაწილეების განცხადებით, უცნობმა პირმა მათ სიტყვიერი შეურაცხყოფა მიაყენა, რამაც მათი გაღიზიანება გამოიწვია.
კონფლიქტი ადგილზე მყოფმა სამართალდამცველებმა განმუხტეს, რომლებმაც უცნობი პირი სიტუაციას გაარიდეს.
ცნობისთვის, ამ წუთისთვის პარლამენტის შენობის წინ სპეციალურად შემოსაზღვრულ პერიმეტრზე სამი კარავია გაშლილი.
ზაზა სარალიძე მისი შვილის მკვლელების და დანაშაულის დაფარვაში ბრალდებულთა დასჯას, ასევე იუსტიციის და შს მინისტრების გადადგომას ითხოვს.
