აშშ-ში, ტეხასის შტატში საკუთარ ბაღში მომუშავე ქალმა მიწის დამუშავებისას 1,2 მეტრის სიგრძის გველი შენიშნა. ჯენიფერ სატკლიფმა იმ წამსვე აიღო ნიჩაბი და გველს თავი მოაჭრა. ამის შემდეგ ქალი დაიხარა რათა გველის ნაწილები სანაგვეზე გადაეყარა და სწორედ ამ დროს მოკვეთილმა თავმა უკბინა.
როგორც ქალის მეუღლე ყვება, გველის თავმა უკბინა თუ არა ქალი უგონოდ დაეცა. ქალი სასწრაფო დახმარების ვერტმფრენით უმალვე გადაიყვანეს საავადმყოფოში, სადაც მას 26 დოზა ანტიდოტი გაუკეთეს.
თავდაპირველად ექიმები მის გადარჩენას ეჭვობდნენ, თუმცა ამ დროისათვის ქალი სტაბილურ მდგომარეობაშია და თირკმელის უკმარისობის პრობლემა აქვს.
როგორც ექსპერტები აცხადებენ, მკვდარ გველს კბენის რეფლექსები შესაძლოა 1 საათის განმავლობაში ქონდეს შენარჩუნებული.
